Welkemen bi üüs Nuudtérper - Biike, lef Sölring en lef Gasten.

Wü haa üüs altermaal forsaamelt, om töhop tö stuun en üüs üp di kumen Uurs tö frügin. Deling slaa üüs Harten fu ar üüs Ailön Söl en fuar dit Mearküder. Üüs Biiki es en ual Brük üt dit Haidendom, wat áprocht hölen uur skel en muar es, üs em me Jil bitaali ken! Hat es bit hentö deling en Ütdrük fan üüs Sölring Aart en Wiis.

Hat heer Tiren iiwen, diar Pröster en Skuulmaisters forsaacht haa, di Sölring dit Biikibrenen tö nemen, man hat es ek slaaget. Me di Skiin fan üüs Jöl wel wü uk en Gröötnis tö di Naibersailönen stjüür üs en Teeken fuar üüs Forbünenhair. Maning fan dánen, wat üp Söl béren sen, man jaar Uuning bütlön`s fünen haa, teenk deling om jaar Ailön Söl töbeek, wan`s jam ek frii maaki kür, om jir me üüs töhop dit Jen fan di Wunter tö fiirin.

Wan di jest Biiki üp Söl bronen heer, dit ken em deling ek muar sa ginau weet. Man ön ualing Tiren saamelt üüs Fuarfaarn jam bi di Hooger, om Rocht en Ünrocht fan`t forgingen Jaar fasttöstelen. Ja haa Ting hölen en aurleer, wat fuar en Wai ja ön dit nii Jaar gung wel. Dit skel wü Sölring üüs uk des Jaar weder fraagi. Haa wü ales rocht maaket ?

Maning Stormer en fuul Rijn sen leest Jaar aur üüs Ailön gingen. Rocht en Ünrocht kür wü ön üüs Térper faststel, man hat es uk nöörig, dat di Sölring aurlii, wat ja salev diarbi dö ken, dat üüs wukset Kultuur uk deling áprocht hölen uur en hur wü me arküder ömgung skül. Wü wel luki, dat em ek muar sa fuul Rings aur Söl ön Dütsklön birochti ken. Miisttirs es dat, wat em forleesen heer, achterön fuul wert.

Sa es dit uk me di wertfol Sölring Spraak, wan wü ek töhopstuun. Uk danen, diar bi üüs tötain sen en jir lewi, ken help, üüs Sölring Brüken áprocht tö hual en en üüs Spraak tö liiren. Wü Sölring haa en iipen Hart fuar di Wárel en sa wel wü üüs Dünemer, üüs Strön en üüs Heef en Klef hol diili me Liren, diar jir bi üüs lewi of bluat fuar en paar Daagen of Weeken Kraft haali wel. Fuul Liren sen ön di leest hönert Jaaren üp üüs Ailön tötain, diar sen nii Generatsjoonen ápwukset.

En sa heer höm di Sen fan üüs Brükdom ön di Loop fan di Jaaren foranert, dit weet wü altermaal. Man di Sölring haa jam dach langsen tö Biikebrenen en Pidersdai bikeent. Sa skel dit uk bliiv.! Ik maat nü dán en Dank sii, diar jam diarfuar iinseet haa, dat wü injung we der üüs Biiki fiiri ken. Ik beer Juu, seet Juu uk förterhen iin fuar üüs werfol Brükdom üp Söl.

Ik wenski altermaal en faini Inj en miaren en lekelk Pidersdai.

Biiki fan Söl, helig ual Jöl, flámi áp.
Skiin aur üüs Lön,
sa üs Dü`t altert heest dön !

Willkommen bei unserer Norddörfer-Biike, liebe Sylter und liebe Gäste.

Wir haben uns hier zusammengefunden, um uns gemeinsam auf den kommenden Frühling zu freuen. Heute schlagen unsere Herzen für unsere Insel Sylt und für das Miteinander. Unsere Biike ist ein alter Brauch aus der Heidenzeit, der aufrecht gehalten werden muss und mehr darstellt, als man mit Geld bezahlen kann. Er ist bis heute ein Ausdruck für unsere friesische Kultur.

Es hat Zeiten gegeben, in denen Pastoren und Lehrer versuchten, den Syltern das Biike-Brennen zu nehmen, aber das ist ihnen nicht gelungen. Mit dem Schein unseres Feuers wollen wir auch einen Gruß zu unseren Nachbarsinseln schicken als Zeichen der Verbundenheit. Viele von denen, die auf Sylt geboren sind, aber nun auf dem Festland wohnen, denken heute an ihre Insel Sylt, wenn sie nicht kommen können, um mit uns zusammen das Ende des Winters zu feiern.

Wann die erste Biike auf Sylt brannte, kann man heute nicht mehr genau sagen. Aber in alten Zeiten versammelten sich unsere Vorfahren bei den Hünengräbern, um Recht und Unrecht des vergangenen Jahres festzustellen. Sie hielten Thing und überlegten, welchen Weg sie im neuen Jahr gehen wollten. Das sollten wir Sylter uns auch in diesem Jahr wieder fragen. Haben wir alles richtig gemacht?

Viele Stürme und viel Regen sind im letzten Jahr über unsere Insel gezogen. Recht und Unrecht konnten wir in unseren Dörfern feststellen. Aber es ist wohl auch nötig, dass die Sylter überlegen, was sie selber dabei tun können, dass unsere gewachsene Kultur auch heute aufrecht gehalten wird und wie wir miteinander umgehen sollten. Wir wollen schauen, das man nicht mehr so schlecht über Sylt in Deutschland berichten kann. Meistens ist das, was man verloren hat, hinterher viel wert.

So ist es auch mit unserer wertvollen Sprache Sölring, wenn wir nicht zusammenstehen. Auch die, die bei uns zugezogen sind und hier leben, können helfen, unser Sylter Brauchtum aufrecht zu halten und unsere Sprache erlernen. Wir Sylter haben ein offenes Herz für die Welt und so wollen wir unsere Dünen, unseren Strand und unser Watt und das Kliff gern mit Menschen teilen, die hier bei uns leben oder nur für ein paar Tage oder Wochen Kraft holen wollen. Viele Menschen sind in den letzten einhundert Jahren auf unserer Insel zugezogen.

Es sind neue Generationen aufgewachsen. Und so hat sich der Sinn uns eres Brauchtums im Laufe der Jahre verändert, das wissen wir alle. Aber die Sylter haben sich doch stets zu, Biikebrennen und Petritag bekannt. So soll es bleiben! Ich möchte denen danken, die sich dafür eingesetzt haben, dass wir heute wieder unsere Biike feiern können. Ich bitte Euch, setzt Euch auch weiterhin ein für unser wertvolles Brauchtum auf Sylt.

Ich wünsche allen einen schönen Abend und morgen einen fröhlichen Petritag.

Biike von Sylt, heiliges altes Feuer, flamme auf !
Scheine über unser Land,
so wie Du es immer hast getan !